რკინიგზელთა ახალი პროფკავშირი მორიგი შრომითი დავის დაწყებაზე იმსჯელებს

Posted on 2015/03/17

სახალხო დამცველმა და პროკურატურამ დაიწყო მოკვლევა რკინიგზელთა ახალი პროფესიული კავშირის წინააღმდეგ განხორციელებულ დისკრიმინაციულ ფაქტებზე, 18 არასამთავრობო ორგანიზაცია კი რკინიგზელთა ახალი პროფესიული კავშირის მხარდამჭერ მიმართვას ავრცელებენ.

შეშფოთებას გამოვთქვამთ სს „საქართველოს რკინიგზის“ ადმინისტრაციის მიერ კომპანიაში ასოციაციის თავისუფლების უხეშად დარღვევის ფაქტების და 2014 წლის 3 დეკემბერს გაფიცვის შედეგად მიღწეული შეთანხმების შეუსრულებებლობის გამო. მოვითხოვთ, შეწყდეს რკინიგზელთა ახალი პროფესიული კავშირის ლიდერების, აქტივისტებისა და წევრების დევნის, უსამართლო დისციპლინური დასჯის და დისკრიმინაციის პოლიტიკა.

მოვუწოდებთ :
– საქართველოს შრომის, ჯანმრთელობისა და სოციალური დაცვის მინისტრს, ეფექტური ზედამხედველობა გაუწიოს სს „საქართველოს რკინიგზის“ ადმინისტრაციასა და რკინიგზელთა ახალ პროფესიულ კავშირს შორის 2014 წლის 3 დეკემბერს გაფიცვის შედეგად მიღწეული შეთანხმების შესრულებას, კომპანიაში სოციალური დიალოგის კანონის ფარგლებში წარმართვას და დისკრიმინაციის პოლიტიკის შეწყვეტას;

– საქართველოს საპარტნიორო ფონდს, მკაცრად გააკონტროლოს სს „საქართველოს რკინიგზის“ ადმინისტრაციის მოქმედებები კომპანიაში ასოციაციის თავისუფლების შეზღუდვის შემდგომი არდაშვების მიზნით და უზრუნველყოს რკინიგზელთა ახალ პროფესიულ კავშირთან კოლექტიური ხელშეკრულებით აღებული ვალდებულებების დროულ და ეფექტური შესრულება;

– საქართველოს მთავრობას და მის მრჩეველს ადამიანის უფლებების საკითხებში, შესაბამისი, დროული და ეფექტური მონიტორინგის გზით ხელი შეუწყოს რკინიგზელთა ახალი პროფკავშირის მიერ მისდამი გაგზავნილ კორესპონდენციებში აღწერილი ასოციაციის თავისუფლების დარღვევის ფაქტების შესწავლას და რეაგირებას.
ვთხოვთ:
– საქართველოში მოქმედ დიპლომატიურ წარმომადგენლობებს, რკინიგზელთა ახალი პროფესიული კავშირის მიმართ მიმდინარე დისკრიმინაციული და დევნის პოლიტიკის შესახებ საკითხი განიხილონ საქართველოს მთავრობასთან ადამიანის უფლებების საკითხებზე დიალოგის ფორმატსა და პოლიტიკურ-ეკონომიკურ თემატურ დისკუსიებში.
საქართველოს სამოქალოქო სექტორი სოლიდარობას უცხადებს რკინიგზელთა ახალ პროფესიულ კავშირს და მის წევრებს მათი დემოკრატიული სამოქალაქო და შრომითი უფლებების სრულად რეალიზების საქმეში.

ხელისმომწერნი:
1. კონსტიტუციის 42 მუხლი;
2. სამართლიანი არჩევნებისა და დემოკრატიის საერთაშორისო საზოგადოება (ISFED)
3. საზოგადოებრივი დამცველი;
4. ადამიანის უფლებათა ცენტრი (EMC);
5. ადამიანის უფლებების სწავლებისა და მონიტორინგის ცენტრი (EMC)
6. საერთაშორისო გამჭვირვალობა – საქართველო
7. იდენტობა;
8. ახალგაზრდა სოციალ – დემოკარეტბი
9. თბილისის ფაბიანური საზოგადოება;
10. საფარი;
11. სტუდენტური მულტიმედია ჯგუფი რეაქტორი;
12. მწვანე მუშტი;
13. საქართველოს ახალგაზრდა მწვანეები;
14. სტუდენტური თვითორგანიზების ქსელი;
15. მოძრაობა სტუდენტური სოლიდარობა;
16. საქართველოს პროფესიული კავშირების ახალგაზრდული ორგანიზაცია (Youth GTUC )
17. პარტნიორობა ადამიანის უფლებებისთვის;
18. საქართველოს ახალგაზრდა კონსტიტუციონალისტთა ასოციაცია

აგერ უკვე მესამე თვეა ზედიზედ, 13 000_ი რკინიგზელიდან, 600_ზე მეტი პრემიის სახით ხელფასის 50%_იან დანამატს იღებს! ეს ის რკინიგზელები არიან, რომლებმაც გაფიცვაში მონაწილეობა არ მიიღო. მათი უმრავლესობა, ყვითელი, ადმინისტრაციის შექმნილ და მართული პროფკავშირის პირველადი ორგანიზაციების თავმჯდომარეები არიან. ,,დამსახურებული” რკინიგზელების სიაში მოხვდნენ, უკვე მესამედ, დეპოს, ცეხის, სადგურის უფროსები, მათი შვილები, დისშვილები, სიძეები, დეიდაშვილები და მამიდაშვილები…

თითოეული მათგანის პრემია, აგერ უკვე ზედიზედ მესამე თვეა, 500 ლარზე ნაკლები არაა… რა დამსახურებით, ვინ და რა მიზნით ურიცხავს რიგით თანამშრომლებს გამონაკლისის სახით პრემიას, რკინიგზელთა ახალი პროფესიული კავშირისთვის დღემდე გაუგებარი რჩება!

გარდა ამისა, რკინიგზის დეპარტამენტში შექმნილია ჯგუფი, რომელიც წინასწარ არკვევს რკინიგზელთა ახალი პროფესიული კავშირის წევრების ადგილსამყოფელს, და მას შემდეგ როცა დარწმუნდებიან, რომ თანამშრომელი სახლში არ იმყოფება, მის ოჯახს სტუმრობენ. პროფკავშირს ყოველ დღე ათეულობით ადამიანი მიმართავს და აცხადებენ რომ მიმდინარეობს მათი ოჯახის წევრების დაშინება. მათივე თქმით, მეუღლეებს, შვილებს, მშობლებს, რკინიგზის ადმინისტრაციის წარმომადგენლები აფრთხილებენ თუ მათი ოჯახის რკინიგზელი წარმომადგენელი არ დატოვებს რკინიგზელთა ახალ პროფკავშირის რიგებს, მათი ოჯახები დიდ ფინანსურ და მატერიალურ ზიანს მიირებენ! არ დაერიცხებათ პრემიები არასდროს და დიდი შანსია სამსახურიც დააკარგინონ…!

ამ და სხვა მსგავსი დისკრიმინაციული ქმედებების შედეგად, რკინიგზელებში უკმაყოფილება დღითიდღე იზრდება. ახალ პროფკავშირს ყოველდღიურად უწევს ,,ცხელ წერტილებში” მუშაობა რათა გაღიზიანებული დასაქმებულების ქმედებები არ გასცდეს კანონის ფარგლებს.

მიმდინარე თვის ბოლოს დაგეგმილია საქართველოს რკინიგზელთა ახალი პროფესიული კავშირის რიგგარეშე გამგეობის გაფართოებული სხდომა, სადაც განსახილველად ერთადერთი საკითხი გავა – დაიწყოს ახალი შრომითი დავა!

ტრანსპორტის მუშაკთა საერთაშორისო ფედერაცია (ITF) თვალყურს ადევნებს საქართველოს რკინიგზის შეთანხმებას

Posted on 2014/12/21

ტრანსპორტის მუშაკთა საერთაშორისო ფედერაცია (ITF) მიესალმება შეთანხმებას, რომელიც მიღწეულ იქნა 3 დეკემბერს საქართველოს რკინიგზელთა ახალი პროფკავშირსა და საქართველოს რკინიგზას შორის,  მაგრამ ასევე გააფრთხილა მხარეები, რომ ორგანიზაცია თვალყურს მიადევნებს სიტუაციას, რადგან სს ,,საქართველოს რკინიგზამ“  წინა ხელშეკრულებებიც უგულველყო.

18/12/2014

საქართველოს რკინიგზელთა ახალი პროფკავშირი 26 ნოემბერს გაიფიცა, მას შემდეგ რაც რკინიგზამ არ შეასრულა თავისი ვალდებულებები ხელფასს, ახალ სახელფასო სისტემასა და ზეგანაკვეთურებთან დაკავშირებით, რაც მიღწეული იყო გასულ ნოემბერის გაფიცვის შემდგომ. პროფკავშირი შეხვდა აგრესიას ადმინისტრაციის და ხელისუფლების მხრიდან, როდესაც გონივრული სოციალური დიალოგის სურვილი გამოთქვა.  შესაბამისად პროფკავშირი გრძნობდა, რომ სხვა გზა არ ჰქონდა გარდა იმის, რომ გაფიცვისთვის მიემართა. საერთო გაფიცვამ მთელი საქართველოს მასშტაბით  რკინიგზის მუშაკთა 70  პროვენტზე მეტი მოიცვა.

საქართველოს რკინიგზელთა ახალი პროფკავშირის თავმჯდომარემ, ვიტალი გიორგაძემ განაცხადა: „ეს შეთანხმება ჩვენთვის მნიშვნელოვანი წინგადადგმული ნაბიჯია. მან მოგვიპოვა მოთხოვნათა უმრავლესობა, თუმცა არა ყველა. ზეგანაკვეთურის საკითხი გადაიდო იმ დრომდე, სანამ კონსტიტუციული სასამართლო განაჩენს არ გამოიტანს ამ საკითხზე საქართველოს პროფესიული კავშირების გაერთიანების სარჩელთან დაკავშირებით.

მნიშვნელოვან შედეგს წარმოადგენს ასევე ის ფაქტი, რომ სპეციალური კომისია შეიქმნება ადმინისტრაციის და პროფკავშირების წარმომადგენლების მონაწილეობით თანასწორობის პრინციპით. ეს კომისია მონიტორინგს და პრევენციას გაუწევს ზეწოლასა და დაშინების მცდელობებს, რასაც ბოლო დღეებში განვიცდიდით. ის ასევე მეთვალყურეობას გაუწევს კოლექტიული ხელშეკრულების შესრულების პროცესს“.

საქართველოს რკინიგზელთა ახალი პროფკავშირისადმი 26 ნოემბერს გაგზავნილ სოლიდარობის წერილში ტრანსპორტის მუშაკთა საერთაშორისო ფედერაცია (ITF) გამოხატავს თავისს სრულ მხარდაჭერას პროფკავშირის და  გონივრული სოციალური დიალოგის, ხელშეკრულებების პატივისცემისა და წევრებისათვის უკეთესი სამუშაო პირობების შესახებ მათი კანონიერი მოთხოვნების მიმართ. ტრანსპორტის მუშაკთა საერთაშორისო ფედერაციის (ITF) სახმელეთო ტრანსპორტის განყოფილების გენერალურმა მდივანმა მაკ ურატამ დღეს განაცხადა, რომ ITF ყურადღებით დააკვირდება მოვლენების განვითარებას, რათა დარწმუნდეს, რომ ამ ხელშეკრულებამ წერტილი დაუსვა ხელისუფლების აგრესიას და ის ადმინისიტრაციის მიერ შესრულებულ იქნა.

ITF watchful over Georgia rail agreement

The ITF welcomed an agreement reached on 3 December between the Georgian Railway Workers’ New Trade Union (GRWNTU) and JSC Georgian Railway but warned it would be keeping an eye on the situation because the company had disregarded previous agreements.

18/12/2014

The GRWNTU went on strike on 26 November after the company had failed to fulfil its obligations in relation to pay, a new salary system and overtime, as set out in an agreement reached the previous November, following a strike. The union faced aggression from the management and the Georgian authorities as it sought meaningful social dialogue and felt it had no choice but to take further industrial action. The national strike involved more than 70 per cent of railway employees across Georgia. 

GRWNTU president Vitali Giorgadze said: “The agreement is a significant achievement for us. It won most of its demands but not all of them. The issue of overtime has been put on hold until the constitutional court rules on the appeal by the Georgian Trade Unions Confederation.

“An important outcome is that a special commission will be formed by management and union representatives, based on parity, which will monitor and prevent the kind of pressure and intimidation we have experienced over the last days. It will also oversee the enforcement of the collective bargaining agreement.”

In a letter of solidarity to the GRWNTU on 28 November, the ITF had expressed full support for the union and its lawful demands for meaningful social dialogue, respect of agreements and better working conditions for its members. ITF inland transport secretary Mac Urata today commented that the ITF would be closely watching developments to ensure that the agreement put an end to the authorities’ aggression and was fulfilled by the management.

რკინიგზის ძველ პროფკავშირსა და ადმინისტრაციას შორის გაფორმებული შეთანხმება – ანუ მკვდარის გაპატიოსნება

Posted on 2014/12/10 Updated on 2014/12/10

ბლოგი მომზადებულია საქართველოს რკინიგზელთა ახალი პროფკავშირის ვიცე-პრეზიდენტის ილია ლეჟავას მიერ!

მას შემდეგ, რაც საქართველოს რკინიგზაზე, საქართველოს რკინიგზელთა ახალი პროფკავშირის ორგანიზებით განხორციელდა გაფიცვა და შედგა შეთანხმება რკინიგზის ადმინისტრაციასა და ახალ პროფკავშირს შორის, რკინიგზელების უმრავლესობამ ძველი პროფკავშირის რიგები დატოვა და ახალ, ნამდვილ, მშრომელებისთვის შექმნილ პროფკავშირს შეუერთდა!

ბუნებრივია, გაფიცვის პერიოდში, ადმინისტრაციის მიერ მართულმა ძველმა პროფკავშირმა სახე დაკარგა, გაფიცულ რკინიგზელებს გაურკვეველი ძალის მართული უწოდა და დირექტორების გვერდიგვერდ, კანონიერი გაფიცვის დისკრედიტაციას ეწეოდა! აღნიშნული ქმედება ნამდვილი რკინიგზელებისთვის შეურაწმყოფელი აღმოჩნდა და ,,ყვითელ, ძველ პროფკავშირს“ საბოლოოდ მიუჩინეს თავის ადგილი!

ახალ პროფკავშირსა და რკინიგზის ადმინისტრაციას შორის გაფორმებული შეთანხმების შემდეგ, ,,ძველმა პროფკავშირმა“ საგანგებოდ, ღია წერილით მიმართა მისსავე მფარველ, რკინიგზის ადმინისტრაციას და ანალოგიური შეთანხმების გაფორმება, საჯაროდ მოსთხოვა!

გაფიცვის პერიოდში ახალ პროფკავშირს და რკინიგზის ადმინისტრაციას შორის მიმდინარე მოლაპარაკებებს, ეგრედწოდებული მესამე პირი – საქართველოს მთავრობის მაღალი დონის წარმომადგენლებიც ესწრებოდნენ (რკინიგზა სახელმწიფო ორგანიზაციაა)! შესაბამისად აღნიშნულ მოლაპარაკებებზე მიღწეულ შედეგებს და ადმინისტრაციის მიერ გაცემულ დაპირებებს, ახალი პროფკავშირის გარდა, სახელმწიფოს შესაბამისი უწყებაც ისმენდა! მიმდინარე მოვლენების შეფასების პროცესში, აშკარად გამოიკვეთა გარემოება, რომ რკინიგზაში შექმნილ კრიზისის ერთ-ერთი გამომწვევი მიზეზი, სწორედ გარკვეული ძალების მიერ გაძლიერებული და სასათბურე პირობებში აღმოცენებული ძველი პროფკავშირია!  გამომდინარე აქედან, რკინიგზის ადმინისტრაციის მხრიდან გაცემულ იქნა დაპირება, არ გაიმეორებდა 2013 წელს დაშვებულ შეცდომას და ძველ პროფკავშირთან  გაფიცვის შემდგომი შეთანხმების გაფორმებისგან თავს შეიკავებდა!

ნაკისრი ვალდებულება, რკინიგზის ადმინისტრაციამ, ნაწილობრივ შეასრულა და მიუხედავად ძველი პროფკავშირის საჯაროდ გაჟღერებული მოთხოვნისა, მათთან ანალოგიური შეთანხმების გაფორმება არ მომხდარა!

თუმცა, ყველასთვის უკვე ცნობილმა ძალებმა მაინც მოახერხეს მკვდარის (,,ძველი პროფკავშირის“) გაპატიოსნება და რკინიგზის ახალგაზრდა მმართველი – მამუკა ბახტაძე, დაარწმუნეს ზურაბ ნასარაიასთან (ძველი პროფკავშირის  ,,მმართველი“) ერთად ხელი მოეწერა 15 პუნქტიან შეთანხმების დოკუმენტზე რომელიც სინამდვილეში იურიდიული ძალის არმქონე დოკუმენტია, იმ უბრალო მიზეზის გამო, რომ მასში ახალი და განსაკუთრებული არაფერი წერია!

რეალურად, ძველ პროფკავშირთან გაფორმებული დოკუმენტი, უკვე არსებული კოლექტიური ხელშეკრულების ახლიდან გადაწერაა და მხოლოდდამხოლოდ რკინიგზელების შეცდომაში შეყვანის უსუსური მცდელობა!

შ ე თ ა ნ ხ მ ე ბ ა

სს ”საქართველოს რკინიგზასა” და ”საქართველოს რკინიგზელთა პროფესიულ კავშირს” შორის

ქ. თბილისი ”09” ”დეკემბერი” 2014წ.

წინამდებარე შეთანხმებაზე ხელმოწერით მხარეები ვთანხმდებით შემდეგზე:

1. საქართველოს რკინიგზელთა პროფესიულ კავშირთან ერთად მოხდეს რკინიგზელებისა და მათი ოჯახის წევრებისათვის სამედიცინო დაზღვევის პირობების გადახედვა და გაუმჯობესებული პაკეტის მომზადება.

( აღნიშნული ვალდებულება უკვე ისედაც აღებული აქვს რკინიგზის ადმინისტრაციას 2013 წლის დეკემბერში კომპანიაში მოქმედ ორივე პროფკავშირთან და მისი შესრულება ნებით თუ სასამართლოს ძალით, დირექტორატს ისედაც მოუწევს!

3.4.1. ყოველწლიურად უზრუნლველყოს დასაქმებულთა ჯანმრთელობის დაზღვევის მომსახურების შესყიდვა. სადაზღვევო კომპანიის შემოთავაზებული პირობები განიხილოს პროფესიული კავშირის მონაწილეობით.  (კოლექტიური ხელშეკრულება)

2. რკინიგზის შინაგანაწესის ახალ პროექტთან დაკავშირებით კომისია დაკომპლექტდება სს „საქართველოს რკინიგზის“ ადმინისტრაციისა და „საქართველოს რკინიგზელთა პროფესიული კავშირის“ წარმომადგენლებით.

(გარდა იმისა, რომ ახალ შინაგანაწესზე მუშაობა რკინიგზის ადმინისტრაციასა და პროფკავშირებს შორის უკვე დაწყებულია და ,,ახალ პროფკავშირმა“ ჯერ კიდევ ორი თვის წინ წარუდგინა მენეჯმენტს ,,შინაგანაწესში“ შესატანი ცვლილებების პაკეტი, ეს ის დოკუმენტია, რომლის ცალმხრივად, ან თუნდაც მხოლოდ  რომელიმე პროფკავშირთან შეთანხმებით დანერგვა პირდაპირ კანონდარღვევაა და სავარაუდო საფუძველი, მოჰყვეს მას ახალი შრომითი დავა კომპანიაში! შესაბამისად ახალი შინაგანაწესის შემუშავება მოითხოვს ყოველმხრივ კონსესუსს და აღნიშნულზე მუშაობა მხოლოდ ერთ ან მეორე პროფკავშირთან ფიზიკურად შეუძლებელს ხდის კანონი! შესაბამისი ჩანაწერი, კოლექტიურ ხელშეკრულებაშიც მკაფიოა:

ადმინისტრაცია იღებს ვალდებულებას:

• ახალი შრომის შინაგანაწესის შემუშავების/ცვლილებებისა და დამატებების შეტანის პროცესში, კოლექტიური ხელშეკრულების ფარგლებში განიხილოს შესაბამისი პროფესიული კავშირის რეკომენდაციები.)

3. 2015 წლის ბიუჯეტში აისახოს რკინიგზაში დასაქმებულთა კვალიფიკაციის ამაღლების, გადამზადების, პროფესიულ–ტექნიკური განათლების მიღებისა და ბაკალავრიატის ზედა საფეხურების დაფინანსებისათვის დამატებითი თანხები.

(კვალიფიკაციის ამაღლების, გადამზადების, პროფესიულ-ტექნიკური განათლების მიღებისა და ბაკალავრიატის ზედა საფეხურების დაფინანსებისათვის დამატებითი თანხები ბიუჯეტში  გარდა იმისა რომ გენერალური დირექტორის ძალისხმევით უკვე ასახულია 2015 წლის ბიუჯეტში, აღნიშნული ხარჯების გაწევას რკინიგზაში დასანერგი ახალი სახელფასო სისტემაც ითვალისწინებს! შესაბამისად აღნიშნული პუნქტი კიდევ უფრო ნათლად ადასტურებს მცდელობას – მკვდარი გააპატიოსნონ და ნასარაიას მიღწევად ჩაითვალოს უკვე განხორციელებული ქმედება! )

4. 2015 წლის ბიუჯეტის პროექტში შევიდეს ცვლილებები და დაემატოს მუხლი სამუშაო პირობების გაუმჯობესებაზე თანხის გამოყოფის შესახებ (დეპოებში საშხაპეებისა და სველი წერტილების რემონტზე, მემანქანეების მოსასვენებელი სახლების რემონტზე და გათბობა–გაგრილების სისტემების დამონტაჟებაზე)

(მე-4 მუხლი თამამად შეიძლება ითქვას რომ შედევრია! დეპოებში საშხაპეებისა და სველი წერტილების რემონტზე, მემანქანეების მოსასვენებელი სახლების რემონტზე და გათბობა-გაგრილების სისტემების დამონტაჟებაზე, რკინიგზელთა ახალი პროფკავშირის მიერ არაერთგზის მოთხოვნისა და ძალისხმევის შედეგად უკვე დაწყებულია ადმინისტრაციის მხრიდან მუშაობა და შესაბამისი ტენდერებიც გამოცხადებულია! გარკვეული სამუშაოები, გარკვეულ დეპოებში დღესაც მიმდინარეობს და აღნიშნულს ახალი პროფკავშირი მიესალმება!)

5. შრომის მძიმე, მავნე და საშიშ პირობებიან სამუშაოზე დასაქმებულ მუშაკთა ნუსხაში დამატებითი კატეგორიების ჩართვისა და სამუშაო პირობების შესწავლის მიზნით შეიქმნას სპეციალური კომისია სს „საქართველოს რკინიგზის“ ადმინისტრაციისა და რკინიგზელთა პროფკავშირის წარმომადგენელთა შემადგენლობით. 2015 წლის ბიუჯეტში გამოიყოს თანხები შესაბამისი სერთიფიცირებული ლაბორატორიის დაქირავებისათვის.

(დავიწყოთ იქედან, რომ  მძიმე, მავნე და საშიშპირობებიან სამუშაოების განმსაზღვრელი შესაბამისი სერთიფიცირებული ლაბორატორია საქართველოში მხოლოდ ერთი არსებობს და ისიც მხოლოდ ერთი დირექტორისა და რამოდენიმე სპეციალისტისგან შედგება! წლებია აღნიშნული ლაბორატორია გაპარტახებულია და მისი თანამედროვე სტანდარტებით ამუშავებისთვის შრომის, ჯანმრთელობისა და სოციალური დაცვის სამინისტრო დღემდე უშედეგოდ ეძებს ინვესტორს! სწორედ აღნიშნული ლაბორატორიის უფუნქციოდ არსებობის მიზეზია მძიმე, მავნე და საშიშ პირობების პოზიციათა ჩამონათვალს დღემდე რომ ვერ ანახლებს სახელმწიფო! ასოცირების ხელსეკრულებით, მთავრობამ უკვე აიღო ვალდებულება აღნიშნული ლაბორატორია განაახლოს თუმცა ამ ვალდებულების შესრულებისთვის ჩვენს სახელმწიფოს 4 წელი აქვს მიცემული! შესაბამისად ძველ პროფკავშირთან გაფორმებული მე-5 მუხლი მინიმუმ თვალებში განზრახ ნაცრის შეყრაა და მაქსიმუმ მენეჯმენტის მხრიდან საკითხის არ ცოდნასთან გვაქვს საქმე!

რკინიგზაში ამ მხრივ არსებულ პრობლემის თავი და თავი ,,ახალ პროფკავშირმა“ კარგად იცის! მიზეზი ერთია, შრომის კოდექსით მინიჭებული 10 დღიანი შვებულება მძიმე, მავნე და საშიშპირობებიან სამუშაოებზე დასაქმებულ რკინიგზელების ნაწილს ისევდაისევ უკანონოდ არ ეძლევათ! საჭიროა უბრალოდ ავიღოთ არსებული ჩამონათვალი (რკინიგზაში  42 დასახელების) და მასში შესულ პოზიციებზე დასაქმებულ რკინიგზელებს კანონის შესაბამისად მივანიჭოთ შრომის კოდექსით გათვალისწინებული შეღავათი! ბიუჯეტში გათვალისწინებული დამატებითი ხარჯები ტყუილია! მარტო იმიტომ რომ ამ თანხებით ვერანაირ ლაბორატორიას ვერ დაიქირავებს რკინიგზა, მისი ქვეყანაში არ არსებობისდა გამო! )

6. რკინიგზელთა საგარეუბნო მატარებლებით სამსახურებრივი დანიშნულებით უფასო მგზავრობის დანერგვასთან დაკავშირებით შეიწმნას ერთობლივი კომისია სს „საქართველოს რკინიგზის“ ადმინისტრაციისა და „საქართველოს რკინიგზელთა პროფესიული კავშირის“ წარმომადგენლების მონაწილეობით.

(ამ შემთხვევაში რა შეიძლება ითქვას?! არც არაფერი ახალი – უბრალოდ მოვიყვანთ ნიმუშად ახალ პროფკავშირთან გაფორმებულ კოლექტიური ხელშეკრულების შესაბამის ჩანაწერს:

• დასაქმებულთა ცალკეული კატეგორიები, რომელთა ჩამონათვალი განისაზღვრება დამსაქმებლის დირექტორთა საბჭოს მიერ, უზრუნველყოს სამსახურებრივი მოვალეობების შესრულებისათვის აუცილებელი სამგზავრო ბილეთებით; (ადმინისტრაციის მიერ არებული ვალდებულება )

7. 2015 წლის ბოლომდე კომპანიის ყველა დასაქმებულს მიეცეს რკინიგზელის დამადასტურებელი მოწმობა.

(ევრიკა!

აი ეს ახალია! – მადლობა ბატონო ზურაბ რომ ასეთ მნიშვნელოვან საკითხზე შეტანხმებას მიაღწიეთ! )

8. სოციალური ბინათმშენებლობის პროექტის განხორციელების მიზნით კომისია შეიქმნება და დაკომპლექტდება სს „საქართველოს რკინიგზის“ ადმინისტრაციისა და „საქართველოს რკინიგზელთა პროფესიული კავშირის“ წარმომადგენლებით.
9. საბინაო ფონდის შექმნის მიზნით მოსამზადებელი სამუშაოების ოპერატიულად განხილვა გადაწყვეტისა და შემდგომში სიის რიგითობის განსაზღვრისათვის შეიქმნას მუდმივმოქმედი კომისია სს „საქართველოს რკინიგზის“ ადმინისტრაციისა და „საქართველოს რკინიგზელთა პროფესიული კავშირის“ წარმომადგენლებით.

(საინტერესო ჩანაწერია უდაოდ!  თუმცა ერთი რამ აუცილებლად უნდა ითქვას – კარგია რომ ადმინისტრაციამ როგორც იქნა დაიწყო იმ ნაკისრი ვალდებულებების შესრულებაზე ფიქრი, რასაც რკინიგზელების სოციალურ მდგომარეობის გაუმჯობესების მიზნით წლების წინ აღებული ვალდებულება ჰქვია! საბინაო პროექტი რკინიგზაში დროებით შეაჩერა ოლეგ ბიჭიაშვილმა, თუმცა აღნიშნული პროექტი რკინიგზის ოფიციალურ საიტიდან მაინც არ გამქრალა! მისი კვლავ ამოქმედება რათქმაუნდა რკინიგზის ადმინისტრაციის ნება-სურვილზეა დამოკიდებული თუმცა ჩვენი, ახალი პროფკავშირის ჩართულობის ვალდებულება, საქართველოს რკინიგზას ამ შემთხვევაშიც უკვე აღებული აქვს კოლექტიური ხელშეკრულებით:

• უზრუნველყოს პროფესიული კავშირის ჩართულობა დასაქმებულთათვის შესამუშავებელი სოციალური პროექტების განხილვის პროცესში.

საბინაო პროექტი, ეს ის საკითხია, სადაც პროფკავშირული კუთვნილებით მასში ჩართულ რკინიგზელების გამორჩევის გამო, ადმინისტრაცია დანის პირზე გაივლის და საბოლოოდ აღნიშნული შედეგი მიუღწევადი გახდება!  ახალი პროფკავშირი ამ კუთხით გადადგმულ ნებისმიერ ნაბიჯს მკაცრად გააკონტროლებს და დროულად მიიღებს შესაბამის გადაწყვეტილებებს! )

10. ახალი სახელფასო სისტემით გათვალისწინებულია კლასით და თანრიგებით ხელფასის განსხვავება, ხოლო 2015 წლის 1 იანვრიდან სახელფასო სისტემის ძალაში შესვლამდე მემანქანეების ყოველთვიურ სარგოზე დაწესდება მე-3-ე, მე-2-ე და 1 კლასის დანამატი შესაბამისად 5%, 10% და 15%-ის ოდენობით და დანამატი მემანქანის თანაშემწეებისათვის მართვის მოწმობაზე 5%-ის ოდენობით. ამასთან, სახელფასო სისტემით განსაზღვრულ თანამდებობრივ სარგოში შესაბამისად გათვალისწინებული იქნება აღნიშნული დანამატი.

(აღნიშნულ ჩანაწერზე კომენტარი ზედმეტია! რეალურად, ამ კუთხით მიღწეული შედეგი შეგიძლიათ იხილოთ ახალ პროფკავშირსა და რკინიგზის ადმინისტრაციას შორის გაფიცვის პერიოდში გაფორმებულ შეთანხმებაში

ახალი სახელფასო სისტემით გათვალისწინებულია კლასით და თანრიგებით ხელფასის განსხვავება, ხოლო 2015 წლის 1 იანვრიდან სახელფასო სისტემის ძალაში შესვლამდე, მემანქანეების ყოველთვიურ სარგოზე დაწესდება მესამე, მეორე და პირველი კლასის დანამატის შესაბამისად 5%-10%-15%-ის ოდენობით და დანამატი მემანქანის თანაშემწეებისთვის მართვის მოწმობაზე 5%-ის ოდენობით. ამასთან, სახელფასო სისტემით განსაზღვრულ თანამდებობრივ სარგოში, შესაბამისად, გათვალისწინებული იქნება აღნიშნული დანამატი;)

11. ნამსახურების (სტაჟი) და თანრიგის კოეფიციენტი განისაზღვრება კონკრეტული პროფესიებისთვის და „საქართველოს რკინიგზელთა პროფესიულ კავშირთან“ წინასწარი კონსულტაციების შემდეგ აისახება სახელფასო სისტემაში. ამავდროულად, სტაჟი წარმოადგენს ერთ–ერთ მნიშვნელოვან ფაქტორს და სხვა თანაბარ პირობებში სტაჟს მიენიჭება უპირატესობა.

(ძველი პროფკავშირის მხრიდან ახალი პროფკავშირის მიერ მიღწეული შედეგის მახინჯი მცდელობაა შეთანხმების მე-11 მუხლიც!

ნამსახურების (სტაჟი) და თანრიგის კოეფიციენტი განისაზღვრება კონკრეტული პროფესიებისათვის და საქართველოს რკინიგზელთა ახალ პროფესიულ კავშირთან წინასწარი კონსულტაციების შემდეგ აისახება სახელფასო სისტემაში. ამავდროულად, “სტაჟი” წარმოადგენს ერთ-ერთ მნიშვნელოვან ფაქტორს და სხვა თანაბარ პირობებში “სტაჟს” მიენიჭება უპირატესობა; (შეთანხმება ახალ პროფკავშირთან) )

12. 2015 წელის არაუგვიანეს მეორე კვარტლისა ძალაში შედის ახალი საპრემიო–სამოტივაციო სისტემა „საქართველოს რკინიგზელთა პროფესიულ კავშირთან“ კონსულტაციების შემდეგ, რაც შესაბამისი კრიტერიუმების დაკმაყოფილების შემთხვევაში მისცემს თანამშრომელს შესაძლებლობას კვარტალში ერთხელ მიიღოს პრემია, სამი თვის დარიცხული ხელფასის 30% მდე უმაღლესი შეფასების შემთხვევში.

(იგივე შეიძლება ითქვას მე-12 მუხლზეც!

2015 წლის არაუგვიანეს მეორე კვარტლისა, ძალაში შედის ახალი საპრემიო-სამოტივაციო სისტემა საქართველოს რკინიგზელთა ახალ პროფესიულ კავშირთან კონსულტაციების შემდეგ, რაც შესაბამისი კრიტერიუმების დაკმაყოფილების შემთხვევაში, მისცემს თანამშრომელს შესაძლებლობას, კვარტალში ერთხელ მიიღოს პრემია. 3 თვის დარიცხული ხელფასის 30%. 1 წლის პერიოდით, ეს გულისხმობს დაახლოებით დამატებით 4 თვის ხელფასს; (შეთანხმება ახალ პროფკავშირთან) )

13. ახალი სახელფასო სისტემით გათვალისწინებულ საპრეტენზიო კომისიები დაკომპლექტდება სს „საქართველოს რკინიგზის“ ადმინისტრაციისა და „საქართველოს რკინიგზელთა პროფესიული კავშირის“ წარმომადგენლებით.

(და მე-13 მუხლზეც!

ახალი სახელფასო სისტემით გათვალისწინებული საპრეტენზიო კომისიები დაკომპლექტდება სს საქართველოს რკინიგზის ადმინისტრაციისა და საქართველოს რკინიგზელთა ახალი პროფესიული კავშირის წარმომადგენლებით; (შეთანხმება ახალ პროფკავშირთან) )

14. ზეგანაკვეთური საათების ანაზღაურებასთან დაკავშირებით მიმდინარე სასამართლო დავის დასრულების შემდეგ თითოეულ რკინიგზელს აუნაზღაურდება ზეგანაკვეთური შრომა 2014 წლის 1 იანვრიდან გაზრდილი ტარიფით.

(სასაცილოა სატირალი რომ არ იყოს! საკონსტიტუციო სასამართლოში, სამუშაო კვირის ნორმაზე როგორც ცნობილია სარჩელი, ჯერ კიდევ ერთი წლის წინ მემანქანის თანაშემწმემ, დღეს უკვე საქართველოს რკინიგზელთა ახალი პროფკავშირის ვიცე-პრეზიდენტმა ილია ლეჟავამ სეიტანა! 2014 წლის 1 იანვრიდან სასამართლოს სედეგის გათვალისწინებით ზეგანაკვეთური ნამუშევრის ანაზღაურების გადახდა კი რკინიგზის ადმინისტრაციამ 2013 წლის 14 ნოემბრის გაფიცვის შემდეგ აიღო ვალდებულებად! აღნიშნული გაფიცვის ორგანიზატორიც რათმქაუნდა რკინიგზელთა ახალი პროფკავშირი იყო!)

15. სს „საქართველოს რკინიგზის“ ადმინისტრაციისა და რკინიგზელთა პროფკავშირის წარმომადგენელთა შემადგენლობით შეიქმნას სპეციალური კომისია, რომელიც განახორციელებს მონიტორინგს კოლექტიური შეთანხმების შესრულებაზე და განიხილავს ყველა სახის შრომით დავას. აღნიშნული კომისიის დებულებას და რეგლამენტს მხარეები განსაზღვრავენ ერთობლივად.

(და ბოლოს, მთავარს ყველასთვის ნათელმა ძალამ ვერ მიაღწია! ძველი პროფკავშირის მიერ ადმინისტრაციასთან გაფორმებული შეთანხმების მიხედვით მე-15 მუხლის ფორმულირება შეგიძლიათ შეადაროთ ახალი პროფკავშირის მიერ მიღწეულ ანალოგიურ შედეგს:

8. შეიქმნება სპეციალური კომისია სს საქართველოს რკინიგზის ადმინისტრაციისა და რკინიგზელთა ახალი პროფკავშირის წარმომადგენელთა შემადგენლობით პარიტეტულ საწყისებზე. აღნიშნული კომისიის მიზანია გაფიცვამდე, გაფიცვის მინდინარებოსა და გაფიცვის შემდგომ, რკინიგზის ადმინისტრაციის წარმომადგენლთა მიერ გაფიცულთა მიმართ ზეწოლის განხორციელების, დევნის და შევიწროების ფაქტების (დათხოვნა, დაქვეითება, ფინანსური სანქციების გატარება და სხვა სახით დისციპლინყური სასჯელის ფორმა) შესწავლა და კომპანიის დირექტორთა საბჭოსთვის შესაბამისი რეკომენდაციების შემუშავება და მიწოდება. ამ რეკომენდაციებზე დაყრდნობით, აღნიშნული ორგანო მიიღებს ადეკვატურ საკადრო და დისციპლინურ გადაწყვეტილებებს. აღნიშნული კომისია ასევე განახორციელებს მონიტორინგს კოლექტიური შეთანხმების შესრულებაზე და განიხილავს ყველა სახის შრომით დავას. აღნიშნული კომისიის დებულებას (კომპეტენციას, მუშაობის რეგლამენტს და ა.შ.) მხარეები განსაზღვრავენ ერთობლივად, წინამდებარე შეთანხმებაზე ხელმოწერიდან 1 კვირის ვადაში და კომისია მოქმედებას დაიწყებს ამ შეთაბხმების ხელმოწერიდან 10 დღის ვადაში. ამ კომისიის გადაწყვეტილებები მხარებისთვის შესასრულებლად სავალდებულოა”, – წერია დოკუმენტში. )

პ.ს. გამომდინარე ზემოთთქმულიდან – საქართველოს რკინიგზელთა ახალი პროფკავშირი, კიდევ ერთხელ მოუწოდებს ხელისუფლებას, რკინიგზის გენერალურ დირექტორს და ყველა დაინტერესებულ პირს, ნუ მისცემთ საშუალებას რკინიგზაში მოღვაწე უკვე ყველასთვის ცნობილ დესტრუქციულ ძალებს გააღვივოს მორიგი შრომითი დავა და გაფიცვა რკინიგზაზე რისი მარცვალიც ყვითელ, ძველ, ნასარაიას პროფკავშირთან გაფორმებული ეს ერთიშეხედვით არაფრისმომცემი დოკუმენტია! ახალმა პროფკავშირმა ყველა დონეზე დაამტკიცა რომ სუფთა, სამართლიანი და დამოუკიდებელი ორგანიზაციაა! მას მართავს რიგითი რკინიგზელები, რკინიგზელებისვე შრომითი და სოციალური უფლებების დასაცავად!

ჩვენ, რკინიგზელები 13 000_ნი ვართ!

კოკა კი წყალს ყოველთვის ვერ მოიტანს!!!

რკინიგზელთა ახალი პროფკავშირები ადმინისტრაციას კომპანიაში არსებული ,,ქცევის კოდექსის” ბათილად ცნობას მოითხოვს

Posted on 2014/11/06 Updated on 2014/11/06

2014 წლის 8 ოქტომბერს, დირექტორთა საბჭომ N21/53 დადგენილებით დაამტკიცა ,,საქართველოს რკინიგზის” თანამშრომელთა ქცევის კოდექსი.

დოკუმენტის თანახმა, კოდექსი წარმოადგენს კომპანიის და თანამშრომლის შრომითი ურთიერთობის განუყოფელ ნაწილს და მისი დარღვევა მიიჩნევა შრომის ხელშეკრულების დარღვევად.

შრომის კოდესქსისა და კოლექტიური ხელშეკრულების თანახმად, აღნიშნული ძალის დოკუმენტის მიღების უფლება რკინიგზის ადმინისტრაციას ერთპიროვნულად არ გააჩნია!

,,საქართველოს რკინიგზის” თანამშრომელთა ქცევის კოდექსი არ არის შეთანხმებული რკინიგზელთა ახალ პროფესიულ კავშირთან, შესაბამისად პროფკავშირმა მოუწოდა მის წევრებს არ მოაწერონ აღნიშნულ დოკუმენტს ხელი და დაელოდონ ,,ახალი პროფკავშირის” რეკომენდაციებს.

საქართველოს რკინიგზელტა ახალმა პროფესიულმა კავშირმა მალევე მოახდინა დოკუმენტის შესწავლა და 2014 წლის 6 ნოემბერს, გენერალურ დირექტორს წერილობით მიმართა.

უცვლელად გთავაზობთ ქცევის კოდექსთან დაკავშირებით გაგზანილ რეკომენდაციებს:

სს ,,საქართველოს რკინიგზა“–ს გენერალურ დირექტორს

ბატონ მამუკა ბახტაძეს

ბატონო მამუკა

,,საქართველოს რკინგზის ახალი პროფესიული“ კავშირი გაეცნო 2014 წლის 1 ოქტომბრის #21/53 დადგენილებით დამტკიცებული სს “საქართველოს რკინგზის” თანამშრომელთა ქცევის კოდექსს და საჭიროდ მიაჩნია რეკომენდაციებისა და შენიშვნების მომზადება, რათა აღნიშნული ქცევის კოდექსი არ გახდეს საფუძველი რკინიგზაზე დასაქმებულთა უკანონო გათავისუფლებისა და ზოგადად,  მათზე კანონით მინიჭებული ძირითადი უფლებების უგულებელყოფა.

დავიწყოთ იქედან, რომ ახალ პროფესიულ კავშირთან გაფორმებულ კოლექტიური ხელშეკრულების ფარგლებში საქართველოს რკინიგზას გააჩნია ხელშეკრულებით ნაკისრი ვალდებულება, უზრუნველეყოს  პროფესილი კავშირის ჩართულობა მსგავსი ტიპის დოკუმენტის მომზადებაში, როგორც ეს კოლექტიური ხელშეკრულების მესამე თავის 3.1.3. პუნქტშია გაწერილი.  თავისთავად ამ პროცესებში პროფკავშირის დროული ჩართულობა გამოიწვევდა გარკვეული შენიშვნების, რეკომენდაციების და წინადადებების შემუშავებას, რაც შესაბამისი პროცედურების გავლით წარდგენილი იქნებოდა საქართველოს რკინიგზაში და არ მოხდებოდა კოლექტიური ხელშეკრულების 3.1.4. პუნქტის დარღვევა საქართველოს რკინიგზის მხრიდან.

მიგვაჩნია, რომ ქცევის კოდექსი არ უნდა ატარებდეს შინაარსობრივად სადამსჯელო ხასიათს. ქცევის კოდექსით უნდა რეგულირდებოდეს ურთიერთობები, რომლებიც არ რეგულირდება მოქმედი კანონმდებლობით, ის რომ წარმოდგენილი კოდექსით უნდა დარეგულირდეს ურთიერთობა კოლეგებთან, პარტნიორებთან, კლიენტებთან და ა.შ. ეს  ძალიან კარგია, რადგან ქცევის კოდექსის არსებობის ძირითადი პრინციპი და მიზანიც ეს არის ნებისმიერი პროფესიის ადამიანისათვის, მაგრამ ისეთი საკითხების დარეგულირება საკუთარი შეხედულებისამებრ, რომელიც უკვე დარეგულირებულია მოქმედი კანონმდებლობით აბსოლუტურად მიზანშეუწონელია. მაგალითად ქცევის კოდექსში ლაპარაკია ქრთამზე და აქვე განმარტებულია, რომ ქრთამის აღება – მიცემა საქართველოს რკინიგზის მხრიდან მიჩნეული იქნება კანონდარღვევად –  სისხლის სამართლის კოდექსით ისედაც აკრძალულია მსგავსი ქმედებების ჩადენა. ასე, რომ ქრთამის აღების ან თუნდაც სხვა დანაშაულის ჩადენის უკანონოდ მიჩნევას არ ჭირდება საქართველოს რკინიგზის კეთილი ნება და არ არის საჭირო მსგავსი ჩანაწერის ქცევის კოდექსში არსებობა.  გაუგებარია, რატომ არის აქცენტი გაკეთებული მხოლოდ ქრთამზე, როდესაც ნებისმიერი დანაშაული მიიჩნევა კანონდარღვევად და სისხლის სამართლის კოდექსში მოცემულია დანაშაულებრივი ქმედების განხორციელების შემთხვევაში მოსალოდნელი სანქციები.

წარმოდგენილი ქცევის კოდექსის 8.3. პუნქტიდან ირკვევა, რომ დაუდევარი მოპყრობის გამო კომპანიის შენობის, ავეჯის ან აღჭურვილობის დაზიანება და მათი უნებართოთ გატანა ორგანიზაციის საოპერაციო სივრციდან წარმოადგენს დისციპლინარული სასჯელის საფუძველს. ვფიქრობთ მსგავსი ჩანაწერის არსებობაც არ არის მიზანშეწონილი მოცემულ ქცევის კოდექსში, რადგან არსებობს  საქართველოს რკინიგზის შრომის შინაგანაწესი, რომელშიც განმარტებულია დისციპლინარული სასჯელის სახეები და მათი გამოყენების წესები.

შინაგანაწესით ირკვევა, რომ დისციპლინარული სასჯელის გამოყენების საფუძველია დაკისრებული ვალდებულების შეუსრულებლობა ან არაჯეროვანი შესრულება. ვალდებულების შეუსრულებლობა ან არაჯეროვნი შესრულება ნიშნავს იმ მრავალი ვალდებულების შეუსრულებლობას ან არაჯეროვნად შესრულებას, რომელიც მხარეს აკისრია ინდივიდუალური შრომითი ხელშეკრულებით, კოლექტიური ხელშეკრულებით ან შინაგანაწესით. ამრიგად მოცემული ქცევის კოდექსი არსად არ მოიაზრება და შესაბამისად მისი მოთხოვნათა შეუსრულებლობა ვერ გახდება დისციპლინარული სასჯელის დაკისრების საფუძველი.  გაუგებარია, რატომ კეთდება აქცენტი კონკრეტულად იმ ქმედებაზე, რომელიც ქცევის კოდექსის 8.3 პუნქტშია გადმოცემული. თუ მსგავსი ქმედება განხორციელდა და კომპანიას მიადგა ზიანი ასეთ შემთხვევაში შრომის შინაგანაწესში მოცემულია მატერიალური პასუხისმგებლობა მიყენებული ზიანისათვის. მსგავსი ელემენტების არსებობის შემთხვევაში გაუგებარი რჩება, რა ფორმის უთიერთობებს უნდა არეგულირებდეს მოცემული ქცევის კოდექსი.

ამავე ქცევის კოდექსში ლაპარაკია პრიორიტეტებზე, მიგვაჩნია, რომ მსგავსი ჩანაწერი შეიძლება არსებობდეს ქცევის კოდექსში, თუმცა არამართებულად მიგვაჩნია პრიორიტეტში კომპანია მოიაზრებდეს მხოლოდ თანამშრომელთა შესახებ ინფორმაციის კონფიდენციალურობას. პრიორიტეტებზე და ზოგადად ქცევის კოდექსის მიზნებსა და პრინციპებზე თავშივე უნდა იყოს განმარტება და როდესაც აღნიშნული პუნქტი ჩამოყალიბდება საბოლოოდ, აქვე უნდა გაჩნდეს ჩანაწერი, რომ კონფიდენციალური უნდა იყოს ასევე ინფორმაცია დასაქმებულის პროფკავშირული კუთვნილების შესახებ.

ქცევის კოდექსის 2.5 პუნქტი უნდა ჩამოყალიბდეს შემდეგნაირად: თანამშრომელი არ განახორციელებს ისეთ ქმედებებს, რომელიც შესაძლოა ზიანისმომტანი იყოს კომპანიისათის, გარდა კანონით განსაზღვრული გამონაკლისებისა.

ყურადღება მისაქცევია ასევე წარმოდგენილი ქცევის კოდექსის 12.2 პუნქტში არსებული ჩანაწერი, რომელშიც ნათქვამია, რომ თუ თანამშრომლის ხელთ მოხვდება ინფორმაცია ნებისმიერი სახის თაღლითობის, ქურდობის ან კორუფციის ფაქტების, ან მსგავსი განზრახვების შესახებ დაუყოვნებლივ უნდა აცნობოს უშუალო ხელმძღვანელს ან მაკონტროლებელ ქვედანაყოფებს. 12.2 პუნქტში მოცემულ დანაშაულთა არსებობის შემთხვევაში ინფორმაციის მიწოდების ვალდებულება არსებობს სამართალდამცავ ორგანოებზე. ქცევის კოდექსით იმ ვალდებულების დაკისრება, რომელიც პირს არ გააჩნია მოქმედი კანონმდებლობით, ყოვლად გაუმართლებელია. აქედან გამომდინარე მიგვაჩნია, რომ მსგავსი ჩანაწერი არ უნდა არსებობდეს ქცევის კოდექსში, ვინაიდან სისხლის სამართლის კოდექსით განსაზღვრულია, კონკრეტულად რა სახის დანაშაულთა შეუტყობინებლობა ითვლება კანონდარღვევად და აბსოლუტურად ზედმეტია ვინმეს თავს მოვახვიოთ ვალდებულება, რომელიც მას კანონით არ აკისრია. მოცემული ქცევის კოდექსი არ უნდა წარმოადგენდეს შრომითი ურთიერთობების განუყოფელ ნაწილს და შესაბამისად მისი დარღვევაც არ უნდა ჩაითვალოს შრომითი ხელშეკრულების დარღვევად, რადგან საქართველოს რკინიგზას ქონდა და აქვს ვალდებულება კოლექტიური ხელშეკრულებიდან გამომდინარე კონსულტაციები გამართოს პროფესიულ კავშირთან და შესაბამისი რეკომენდაციებისა და წინადადებების წარდგენის გათვალისწინების შემდგომ იმსჯელოს მსგავსი გადაწყვეტილებების მიღებაზე.

მთავარი და არსებითი, რაც წარმოდგენილი ქცევის კოდექსის დამტკიცებით დაირღვა, არის ის რომ მიმდინარე პროცესების მსვლელობაში ჩართული არ ყოფილა პროფესიული კავშირი, როგორც ეს კოლექტიური ხელშეკრულებით არის განსაზღვრული და კოდექსი, რომელიც შეიქმნა და არის მცდელობა იგი გახდეს შრომითი ხელშეკრულების განუყოფელი ნაწილი, წარმოადგენს საქართველოს რკინიგზის ცალმხრივად საკუთარი ნების გამოვლინებას.

აქედან გამომდინარე საქართველოს რკინიგზელთა ახალი პროფესიული კავშირი მოითხოვს საქართველოს რკინიგზამ ბათილად გამოაცხადოს 2014 წლის 8 ოქტომბრის # 21/53 დადგენილებით დამტკიცებული საქართველოს რკინიგზის თანამშრომელთა ქცევის კოდექსი. კოლექტიური ხელშეკრულებიდან გამომდინარე მოლაპარაკებები გამართოს პროფესიულ კავშირთან და  შემუშავებულ იქნეს პროფესიულ კავშითან შეჯერებული ქცევის კოდექსის ახალი ვარიანტი.

საქართველოს რკინიგზელთა ახალი პროფესიული კავშირის

თავმჯდომარე ვიტალი გიორგაძე

რას ემსახურება რკინიგზაში ახალი პროფკავშირი?!

Posted on 2014/10/13

რიგითი რკინიგზელების მიერ ,,რკინიგზელთა ახალი პროფკავშირი” შეიქმნა იმ მიზნით, რომ აღმოიფხვრას საშინელი შეუთავსებლობა ცალკეული დასაქმებულის – რკინიგზელის მწირ შესაძლებლობებსა და განუზომელ ძალაუფლებას შორის, რომელიც დღეს დამსაქმებლის – რკინიგზის ხელმძღვანელობის ხელშია თავმოყრილი. აღნიშნული შეუთავსებლობა აღმოიფხვრება მხოლოდ რკინიგზელების  თანადგომით და ურთიერთმხარდაჭერით – ერთი ყველასათვის და ყველა ერთისათვის!

რკინიგზელთა ახალი პროფკავშირის ძალა და გავლენა კომპანიის მუშაკთა ერთობის ხარისხზეა დამოკიდებული. რაც უფრო მაღალია პროფკავშირის წევრთა რაოდენობა ახალი პროფკავშირის გარეთ დარჩენილ მუშაკებთან შედარებით, განსაკუთრებით საწარმოს ძირითად უბნებზე, მით უფრო ძლიერია პროფკავშირი.

რკინიგზელთა ახალ პროფკავშირში ყველა თანასწორია განურჩევლად რასის, რელიგიური მრწამსის, სქესის, პოლიტიკური შეხედულებისა და კვალიფიკაციისა.. ჩვენი მოსაზრებით პროფკავშირები არ უნდა წარმოადგენდეს დახურულ გაერთიანებას, მუშაკთა ელიტის ნაწილის ინსტრუმენტს, რომლებიც თავგამოდებით იცავენ თავიანთ პრივილეგიებს სხვა მუშაკებისაგან.

პროფკავშირები თავისი ბუნებით წარმოადგენს დემოკრატიულ ინსტიტუტს, რადგანაც მისთვის არარსებობს ხანგრძლივი და ეფექტიანი ფუნქციონირების სხვა ფორმა. სწორედ ამიტომპროფკავშირები არის სახალხო დემოკრატიის სკოლა–საზოგადოების ქმედითი გარდამქმნელი ძალა. 

პროფკავშირი ვერ შეძლებს მასზე დამყარებული იმედების გამართლებას, თუ ის არ წარმოადგენს მშრომელთა ნებაყოფლობით გაერთიანებას საერთო ინტერესების დაცვის მიზნით, რათა უზრუნველყოს ხელფასის გაზრდა და შრომის პირობების გაუმჯობესება. თავის მხრივ, ნებაყოფლობითი ორგანიზაცია ვერ გახდება ძლიერი და ქმედითი მანამ, სანამ არ არის უზრუნველყოფილი მისი ყველა წევრის მაქსიმალურად შესაძლებელი მონაწილეობა ორგანიზაციის საქმიანობასა და ბრძოლაში, რომელსაც ის ეწევა. ხოლო წევრების მონაწილეობა ორგანიზაციის მუშაობაში შესაძლებელია მხოლოდ იმ შემთხვევაში, თუ ორგანიზაცია არის დემოკრატიული!

პრაქტიკის მიხედვით, პროფკავშირში, დემოკრატია ნიშნავს, რომ:

1. ყველა წევრის ინტერესები სამართლიანად და მთლიანადაა წარმოდგენილი გადაწყვეტილებების მიღების პროცესში. საჭიროა უზრუნველყოფილ იქნას აზრთა პლურალიზმი, მაგრამ საბოლოო გადაწყვეტილება უნდა გამოხატავდეს წევრთა უმრავლესობის ჭეშმარიტ ნება– სურვილს. 

2. პროფკავშირის წევრები რეგულარულად იღებენ ინფორმაციას მათი ორგანიზაციის საქმიანობის შესახებ ყველა საკითხებზე, საფინანსოს ჩათვლით. ისინი მხოლოდ ამ შემთხვევაში შეძლებენ სრულფასოვან მონაწილეობას გადაწყვეტილებების შემუშავებაში. 

3. პროფკავშირის ყველა წევრს ერთნაირი პრივილეგიები აქვს, ისევე როგორც უფლებები და მოვალეობები. ძირითად საკითხებზე ყველა გადაწყვეტილება მიიღება კოლექტიურად, და არა ერთპიროვნულად ან ვიწრო შემადგენლობით.

პროფკავშირში ჩაბმა პრობლემების ანალიზით იწყება, რომელთა გადაწყვეტა შესაძლებელია მხოლოდ კოლექტიური მოქმედებებით. აღმოსავლეთ ევროპის ქვეყნებში, უფრო ხშირად, პროფკავშირში შესვლის მოტივირება – ეს სამუშაო ადგილის დაკარგვის შიშია, იმის მოლოდინი,რომ პროფკავშირი გავლენას მოახდენს სამუშაო ადგილის სტაბილურობაზე. მოტივირების სხვა ფაქტორებია – სურვილი იშრომო უსაფრთხო და ჯანსაღ პირობებში და მიიღო შრომის სამართლიანი ანაზღაურება. გამოკითხვის მონაწილეები ზოგჯერ, აგრეთვე ასახელებენ სურვილს, ჰქონდეთ ხელმისაწვდომი სპეციალური გამაჯანსაღებელი პროგრამები, პროფკავშირის წევრებისა და მათი ბავშვებისთვის ზაფხულის პერიოდში დასვენების შესაძლებლობა. მაგრამ ეს ფაქტორები ყოველთვის დგას ბოლო ადგილზე, და პროფკავშირი, რომელსაც არაფერი შეუძლია შესთავაზოს თავის წევრებს, გარდა საგზურების განაწილებისა და საახალწლო საჩუქრებისა, სწრაფად კარგავს მხარდაჭერას, და მაშასადამე,წევრთა რაოდენობასაც.

ზოგიერთ დასაქმებულს მიაჩნია, რომ ბრძოლის მიზნით გაერთიანება საჭიროა მხოლოდ მაშინ,როდესაც წარმოიშობა რაღაც პრობლემა, მაგალითად, მოსალოდნელი დათხოვნისაგან აუცილებელიდაცვის ან ხელფასის გაზრდის მიზნით. მუდმივი ორგანიზაციის ფორმირების საკითხს ისინიუარყოფითად ეკიდებიან, თუმცა, როცა საქმე ბრძოლამდე მიდის, მას აქტიურად უჭერენ მხარს.